هما مين و إحنا مين ...

أحمد فؤاد نجم

هما مين و إ حنا مين .. ؟
هما الأمرا و السلاطين ..
هما المال والحكم معاهم ..
و إحنا الفقرا المحرومين
حزر فزر شغّـل مخك
شوف مين فينا بيحكم مين ؟!!
..............
إحنا مين و هما مين ..
إحنا الفعلا البنايين
إحنا السنة و إحنا الفرض
إحنا الناس بالطول و العرض
من عافيتنا تقوم الارض ..
و عرقنا يخضر بساتين
حزر فزر شغل مخك
شوف مين فينا بيخدم مين ..؟؟!!
................
هما مين و إحنا مين ؟؟
هما الامرا و السلاطين
هما الفيلا و العربية
و النساوين المتنقية
حيوانات استهلاكية
شغلتهم حشو المصارين
حزر فزر شغل مخك
شوف مين فينا بياكل مين ..؟؟!!!
....................
إحنا مين و هما مين
إحنا قرنفل على ياسمين
إحنا الحرب : حطبها و نارها
و إحنا الجيش اللي يحررها
و إحنا الشهدا بكل مدارها
منكسرين أو منتصرين
حزر فزر شغل مخك
شوف مين فينا بيقتل مين ..؟؟!!!
................

هما مين و إحنا مين
هما الامرا و السلاطين
هما مناظر بالمزيكا
و الزفة و شغل البوليتيكا
و دماغهم طبعاً استيكا
بس البركة بالميازين
حزر ... فزر شغل مخك
شوف مين فينا بيخدع مين ...؟؟؟!!!
.....................
هما مين و إحنا مين
هما الامرا و السلاطين
هما بيلبسوا أخر موضة
و إحنا بنسكن سبعة في أوضة
هما بياكلوا حمام و فراخ
و إحنا الفول دوخنا و داخ
هما بيمشوا بطيارات
و إحنا نموت بالاوتوبيسات
هما حياتهم بامبى جميلة
هما فصيلة و إحنا فصيلة

حادي يا بادي يا عبد الهادي
يا اللي عليك قصد الغنوادى
لما الشعب يقوم و ينادي
يا إحنا يا هما في الدنيا دي
حزر فزر .. شغل مخك
شوف مين فينا حيغلب مين

كلمات رائغه ياميدو

انا تقريبا وصلت لمين تقريبا

اتمنى المذيد من التقدم والرقى

شكرا يا ميدو وانا بردوه
عارف انت قصدك مين
اكيد الى بالى بالك

هشششششش بس يا محمد خليها فى سرك
احسن احنا متراقبين

ههههههههههههههههههههههههههههههههههههههههههههههه
اة اولنبى متراقبين استنوا استنوا اضحك تانى والنبى ههههههههههههههههههههههههههههههههههههههههههههههههههههههههههههههههه

تحفة يا ميدو الكلام وعلى رايك هما مين واحنا مين ماتيجوا اسيحلكوا علشان تتمسكوا وازركوا بعيش وحلاوة دا لو عرفت اوصلكوا